കാവ്യത്തിന്റെ പ്രണയസഞ്ചാരിക്ക്‌ അന്ത്യപ്രണാമം

സാര്‍ത്ഥകം

"കാറ്റ് ചുഴറ്റിയടിക്കുന്നു .. ..
സര്‍വ്വനാശം വിതച്ചാഞ്ഞടിക്കുന്നു..

കാറ്റിനെ അനുസരിക്കാന്‍..
കാറ്റിനെ അനുശീലിക്കാന്‍.. ‍..
കാറ്റ് കൊടുങ്കാറ്റായാലും
മനുഷ്യ സാമ്രാജ്യം മുഴുവന്‍ ഊറ്റിക്കുടിച്ചാലും..
ആഗോളഭീമന്റെ പേശീബലമാര്‍ജ്ജിച്ചാലും
ഗദാ മര്‍ദ്ദനങ്ങളുടെ വെള്ളപ്പോക്കങ്ങളില്‍
കുത്തിമലച്ചു ഒഴുകേണ്ടി വന്നാലും...
ദേഹം മുറിവേറ്റു വേദനിച്ചാലും..
ചോര പുഴയായോഴുക്കേണ്ടി വന്നാലും..
കാറ്റിന്റെ അധീശ ഗതിക്കൊപ്പമോഴുകാന്‍..
പുഴയ്ക്കു ബാധ്യതയില്ലാ..

പുഴയായി, കടല്‍ തേടുന്ന പുഴയായി...
ഇച്ഛാശക്തിയുടെ പ്രേരണയായി,
അജയ്യമായി ഒഴുകാനേ കഴിയൂ..

അത് പുഴയുടെ നിയോഗം..
അത് പുഴയുടെ സ്വാതന്ത്ര്യം..
സ്വാതന്ത്ര്യത്തിലേക്കുള്ള പ്രയാണം..

സമത തേടിയോടുന്ന പുഴ
കാറ്റിനെതിരെ കുതിക്കുന്ന പുഴ..
നാളത്തെ പുലരിവെട്ടങ്ങളില്‍
സാര്‍ത്ഥകമാകുന്ന പ്രവാഹം.."

"സ്വാതന്ത്ര്യം തന്നെ അമൃതം
സ്വാതന്ത്ര്യം തന്നെ ജീവിതം
പാരതന്ത്ര്യം മാനികള്‍ക്ക്
മൃതിയെക്കാള്‍ ഭയാനകം.."